कोल्हापूर- सुभाष भोसले
पन्हाळा येथे संपन्न झालेल्या राज्यस्तरीय सबज्युनियर व्हॉलीबॉल स्पर्धेमधून कागल मधिल शाहू हायस्कूल ज्युनियर कॉलेजचे व क्रीडा विकास फाउंडेशन कागल,भगवा रक्षक व्हॉलीबॉल क्लब कागल चे खेळाडू कुमार मयूर सुतार व कुमारी स्मृती पोटले यांची महाराष्ट्र राज्य संघामध्ये निवड झाली आहे.तसेच महाराष्ट्र राज्य व्हॉलीबॉल संघाच्या मुख्य प्रशिक्षक पदी महेश शेडबाळे व सहाय्यक प्रशिक्षक कधी प्रवीण मोरबाळे यांची निवड झाली आहे. महाराष्ट्र राज्याचा संघ वेल्लूर तामिळनाडू येथे होणाऱ्या राष्ट्रीय सबज्युनिअर व्हॉलीबॉल स्पर्धेत सहभागी होणार आहे सदर स्पर्धा 24 फेब्रुवारी ते 28 फेब्रुवारी 2021 दरम्यान संपन्न होणार आहेत.
खेळाडूंना भारतीय व्हॉलीबॉल संघाचे सह सचिव व महाराष्ट्र राज्य हॉलीबॉल असोसिएशनचे सचिव बाळासाहेब सुर्यवंशी, शिक्षण प्रसारक मंडळ कोल्हापूरचे सचिव जयकुमार देसाईसो, पेट्रन कौन्सील सदस्य दौलत देसाई ,प्रशासन अधिकारी मंजिरी मोरे(देसाई),उपाध्यक्ष शिवाजी सावंत यांचे प्रोत्साहन व शाहू हायस्कूल ज्युनिअर कॉलेजचे प्राचार्य जे.डी पाटील, कोजिमाशि चेअरमन व उपमुख्याध्यापक बाळ डेळेकर,उपप्रचार्य बी . के . मडीवाळ, श्री एस जी पाटील पर्यवेक्षिका सविता कुलकर्णी, श्री एस यु देशमुख ,भगवा रक्षक व्हॉलीबॉल क्लबचे अध्यक्ष नितीन दिंडे ,चंद्रकांत कासोटे,वैभव आडके यांचे मार्गदर्शन लाभले आहे. सर्व खेळाडू व प्रशिक्षक यांचे अभिनंदन होत आहे .
