मित्रासोबत गप्पा मारत बसलेल्या तरुणावर तलवार, कोयत्याने सपासप वार; पुणे हादरलं

पिंपरी चिंचवडमधून एक धक्कादायक घटना समोर आली आहे. चिखली येथील बैलगाडा घाटात किरकोळ कारणावरून एका बावीस वर्षीय तरुणाची हत्या करण्यात आली आहे.

पिंपरी चिंचवडमधून एक धक्कादायक घटना समोर आली आहे. चिखली येथील बैलगाडा घाटात किरकोळ कारणावरून एका बावीस वर्षीय तरुणाची हत्या करण्यात आली आहे.

• News18 Lokmat
• Last Updated : December 25, 2022, 19:09 IST
• Pune (Poona) [Poona], India

• Published by:  Ajay Deshpande

पुणे, 25 डिसेंबर :  पिंपरी चिंचवडमधून एक धक्कादायक घटना समोर आली आहे. चिखली येथील बैलगाडा घाटात किरकोळ कारणावरून एका बावीस वर्षीय तरुणाची कोयता आणि तलवारीने वार करून हत्या करण्यात आली आहे. या घटनेनं एकच खळबळ उडाली आहे. सुरज उर्फ सोन्या संदीप शिंदे असं हत्या झालेल्या तरुणाचं नाव आहे. या प्रकरणात चार आरोपींविरोधात हत्येचा गुन्हा दाखल करण्यात आला आहे.

पोलिसांनी दिलेल्या माहितीनुसार फिर्यादी व त्याचा मित्र सुरज उर्फ सोन्या संदीप शिंदे हे चिखली येथील बैलगाडा शर्यत घाटातील महादेवाच्या मंदिराजवळ गप्पा मारत बसले होते. यापूर्वी सोन्या शिंदे याचा आरोपी आदित्य पाटोळे याच्यासोबत काही कारणांमुळे वाद झाला होता. जुन्या भांडणाच्या कारणातून सोन्या आणि त्याचा मित्र जिथे गप्पा मारत होते तिथे आरोपी आदित्य पाटोळे, विशाल पवार, गणेश लोंढे, आणि लालू यादव हे आले. त्यांनी काही कळण्याच्या आतच  सुरज उर्फ सोन्या संदीप शिंदे याच्यावर कोयत्याने व तलवारीने सपासप वार केले. या घटनेत त्याचा मृत्यू झाला.

हेही वाचा : बहिणीची सोयरीक मोडल्याचा जाब विचारायला गेला तो परतलाच नाही; लातूरच्या घटनेने खळबळ

आरोपींविरोधात गुन्हा दाखल   

दरम्यान  याप्रकरणी चिखली पोलिसांनी आदित्य पाटोळे, विशाल पवार, गणेश लोंढे, आणि लालू यादव या चार आरोपी विरोधात हत्येचा गुन्हा दाखल केला आहे. घटनेबाबत अधिक तपास सुरू असल्याचं पोलिसांनी सांगितलं.

First published: December 25, 2022, 19:09 IST