भारत आता पाकिस्तानचा बॉर्डरवर 'असा' करणार बंदोबस्त!

भारत आता पाकिस्तानचा बॉर्डरवर ‘असा’ करणार बंदोबस्त!

मुंबई तक

भारत-पाकिस्तान आंतरराष्ट्रीय सीमेवरील सुरक्षा इस्रायलसारखी आधुनिक बनवण्यासाठी सध्या जोरदार प्रयत्न सुरु झाले आहेत.

Ami Vitale

आता सीमारेषेवर सर्वत्र कॅमेरे असतील. त्यामुळे दुरून शत्रूवर लक्ष ठेवण्यासाठी ‘तिसऱ्या डोळ्याचा’ वापर केला जाईल.

मोदी सरकार पाकिस्तान आणि बांगलादेशच्या सीमेवर 5500 सुरक्षा कॅमेरे बसवणार आहे. ज्यासाठी 30 कोटींचा निधी मंजूर करण्यात आला आहे.

ड्रोन आणि हँड हेल्ड थर्मल इमेजर देखील खरेदी केले जात आहेत. ड्रोन्स, कॅमेऱ्यांद्वारे बॉर्डरवर नजर ठेवण्यात येणार आहे. थर्मल इमेजरचा रात्री सर्वाधिक उपयोग होईल.

आगामी काळात देशाचे लष्करी दल शत्रूचे ड्रोन शोधून त्यांना निकामी करण्यासाठी नवीन पद्धत आणि तंत्रज्ञानाचा वापर वाढवू शकतं.

बीएसएफच्या तुकडीसह पंजाब पोलिसांचे 300 जवान हे बॉर्डरवर अधिक खोल गस्त घालण्यास मदत करत आहेत. जेणेकरून पाकिस्तानमधून ड्रग्ज आणि शस्त्रास्त्रांची तस्करी होऊ शकत नाही.

NARINDER NANU

या बॅरियर्सला दोन्ही बाजूंनी विविध प्रकारचे अडथळे बनविण्यात आले आहेत. हे अडथळे इतके धोकादायक आहेत की त्यात अडकून माणसाचा मृत्यू होऊ शकतो.

इस्रायलला लागून असलेल्या गाझाच्या सीमेवर 30 फूट उंच भिंत आणि लोखंडी जाळीचं कुंपण आहे. ही कुंपण प्रणाली बहुस्तरीय आहे. तशाच प्रकारची प्रणाली आपल्या भारत-पाक सीमेवर देखील पाहायला मिळू शकते.

बीएसएफने काही कमी किमतीचे टेहळणी तंत्रज्ञानही विकसित केले आहेत. ज्याच्या मदतीने सीमेवर अधिक चौकसपणे लक्ष ठेवता येणार आहे.