तेजस एक्स्प्रेसपेक्षा सुपरफास्ट वंदे भारत, किती वेळ वाचणार पाहा

vande bharat express

वेगानं धावणाऱ्या वंदे भारत एक्स्प्रेसची चाचणी यशस्वीरित्या पार पडली आहे.

• News18 Lokmat
• Last Updated : May 18, 2023, 17:02 IST
• Mumbai, India

मुंबई : मुंबईहून गोव्याला किंवा कोकणात जाणाऱ्या चाकरमन्यांची संख्या कायमच जास्त असते. वर्षाचे बारा महिने पाहावं तेव्हा गाड्या अगदी फुल्ल भरलेल्या असतात. तिकीट मिळवण्याची बोंब असतेच पण त्यासोबत जाणारा वेळही खूप जास्त असतो. आता ही सगळीच कटकट दूर होणार आहे. याचं कारण म्हणजे सर्वात वेगानं धावणाऱ्या वंदे भारत एक्स्प्रेसची चाचणी यशस्वीरित्या पार पडली आहे.

मुंबई ते गोवा वंद भारत एक्स्प्रेसची चाचणी यशस्वीरित्या पार पडली आहे. लवकरच ही ट्रेन चाकरमन्यांच्या सेवेत दाखल होणार असल्याची माहिती मिळाली आहे. त्यामुळे प्रवाशांचा वेळ खूप वाचेल याशिवाय सुखकर प्रवासाचा अनुभवही घेता येणार आहे.

Solapur News : ‘वंदे भारत’ मध्ये होतेय मराठीची गळचेपी! सत्य परिस्थिती समजल्यानंतर बसेल धक्का, पाहा Video

वंदे भारत एक्स्प्रेस सीएसएमटीहून 5.30 वाजता सुटली आणि दुपारी १२.५० वाजेपर्यंत मडगावला पोहोचली. पहिल्या चाचणीत एक्स्प्रेसने अवघ्या 7 तासांत हे अंतर कापलं आहे. त्यामुळे मुंबई गोवा प्रवासला कमी वेळ लागण्याची शक्यता आहे.

याशिवाय अनेक पर्यटकांना देखील हा प्रवास सोयीचा होऊ शकतो. मुंबई गोवा अंतर कमी करण्यासाठी तेजस एक्स्प्रेस सुरू झाली खरी. मात्र तिलाही मुंबईहून गोळ्याला पोहोचण्यासाठी 8 तासांहून अधिक वेळ लागतोच. काहीवेळा सिग्नल लागल्याने जास्त वेळ जातो. त्यामुळे नागरिकांना मनस्ताप सहन करावा लागतो.

Vande Bharat : वंदे भारत एक्स्प्रेसमध्ये प्रवास करताना ‘या’ एका गोष्टीमुळे होईल निराशा

सुपरफास्ट आणि तेजसच्या तुलनेत वंदे भारत एक्स्प्रेस हे अंतर अवघ्या सात तासात कापते. याचं तिकीट किती असणार, कधी पासून सुरू होणार याबाबत अजून कोणतीही माहिती समोर आली नाही.त्यामुळे तुमचे चार ते पाच तास वाचण्याची शक्यता आहे. मुंबई ते गोवा प्रवास खूप सुखकर आणि लवकर होईल हे मात्र नक्की.

First published: May 18, 2023, 17:02 IST